الأربعاء، 22 فبراير 2017

جرعة الاستقبال / منقـــــول /

هنستعرض بعض المواقف اللى هنغير جرعة الاستقبال بسببها
اولا
كتاكيت جاية من بعيد بلاش تنزل بمضاد حيوى على طول ولازم تستقبلها باى مادة سكرية وانا افضل العسل الاسود بمعدل 5 جم على اللتر لمدة 12 ساعة بعدها انزل بالمضاد المناسب
ثانيا كتاكيت جاية معاها زرق اخضر
فى الحالة دى هنضيف العسل على العلف بجرعة 1 ك لكل 50 كيلة علف
وفى الحالة دى الاستقبل على اى منتج فية احماض قبل الدوا بردة لمدة 12 ساعة وممكن 24 ساعة الى اختفاء اللون الاخضر فى الزرق
ثالثا كتكوت نازل بيتنفس بصعوبة حتى لو كتكوت واحد
فى الحالة دى انول مباشرة بالمضاد الحيوى ويكون قوى زى الينكو او الاسبيراميسين او بالموتيل
والاستقبال على حرارة 36 اول 12 ساعة وبعدها خفضها الى 35 باقى اليوم الاول وباقى الاسبوع خليها 34
رابعا جاى كويس بس النافق رفع عند اليوم الثالث او الخامس او التاسع
انزل باى فلورافنيكول مع نيومايسين بالتبادل مع مضاد سموم لمدة 3 ايام ووقف اى تحصينات
خامسا
كتكوت جاى فية نسبة تفاوت فى الاوزان عالية والافراد الصغيرة فية فيها ريش الجناح متعامد على الجسم
دا رجعة للشركة وسيبك منة مفيش منة فايدة
او اقل حاجة تعالى على عمر اسبوع وافرز الكتاكيت الصغيرة واعدمها واحسبها على صاحب الكتاكيت
والباقى اكلهم سوبر بادى طوال الدورة وبلاش نامى او ناهى
والدورة اللى زى دى هنزل كل اسبوع 3 ايام ليلا مخلوط الخميرة مع منقوع الشعير مع الدايجستين اللى زركناة قبل كدا
سادسا
كتكوت طبيعى فى الحجم والحيوية
نزل سبرو وكولستين عادى وعلف من غير اى تحزيرات
سابعا كتكوت نازل بية عرج وفية محتويات بيضا واضحة على المؤخرة
دا هتستقبلة على الكترولايت مع مضاد سموم حمضى سقوة والسقوة التانية عسل اسود
وتضاعف عدد السقايات
وهتبعد عن المضادات الحيوية خاصة اللى تمثيلها فى الكلى لانها هترفع النافق ومش تنزل اى مضاد الا اذا كان فية عدوى ميكروبية
ثامنا
كتاكيت نازلة مش متحركة وخملانة
راجع الرطوبة والحرارة
وانصحك بخلط عسل على العلف اول 24 ساعة
وادخل حركهم كل 2 الى 3 ساعات
تاسعا
كتكوت نازل فية نافق وغير معروف السبب
بس ملاحظ ان النافق لاصق فى صناديق نقل الكتاكيت وفتحة المخرج عليها زرق ابيض مخضر
فى الحالة دى ممنوع تجويع الكتاكيت
انزل بعلف عالى البروتين والطاقة
استقبل استقبال قوى زى اللينكو مع الكولستين
او بالموتيل وكولستين
التركيبات الموصى بها فى الاستقبال فى الامور الطبيعية
انوفلوكساسين مع كولستين
سبرو مع كولستين
تايلوزين مع نيومايسين
تركيبات قوية للكتاكيت المريضة
بالموتيل مع جنتا
لينكو مع كولستين
اسبيراميسين مع نيومايسين

ليست هناك تعليقات:

إرسال تعليق